बुधवार, 8 जुलाई 2015

मेेनी हेप्पी बड्ड डे

मोर छोटे भाई के पुुत्र के काल 7-6-15 के  जनम दिन रहिस.........
---------------------------------
दोहा गीत

 मेेनी हेप्पी बड्ड डे, आज जनम दिन तोर ।

तोर जनम दिन आज हे, बेटा मोरे लाल ।
बड़े बाढ़ तैं एक दिन, करबे खूब कमाल ।।
चारो कोती एक दिन, होही तोरे सोर ।। मेेनी हेप्पी बड्ड डे,.........

बेटा राजा मोर तैं, चांद सुरूज तो आस ।
चमकत रहिबे जस सुरूज, जीवन के आगास ।।
बने रहय हर हाल मा, खिल-खिल हॅॅसना तोर । मेेनी हेप्पी बड्ड डे,........

गाड़ा गाड़ा आसिसे, तोला हम तो देत ।
लाख बरीसे ले उमर, जम्मा खुसी समेट ।।
होवय गा फुरमान सब,  जम्मा असीस मोर ।। मेेनी हेप्पी बड्ड डे,........

-रमेश चौहान