रविवार, 2 जुलाई 2017

मैं छत्तीसगढ़िया हिन्दूस्तानी अंव

मैं छत्तीसगढ़िया हिन्दूस्तानी अंव
महानदी निरमल गंगा के पानी अंव

मैं राजीम जगन्नाथ के इटिका
प्रयागराज जइसे फुरमानी अंव

मैं भोरमदेव उज्जैन खजुराहो
काशी के अवघरदानी अंव

मैं बस्तर दंतेवाड़ा दंतेश्वरी
भारत के करेजाचानी अंव

मैं भिलाई फौलादी बाजू
भारत भुईंया के जवानी अंव

मोर कका-बबा जम्मो पीढ़ी के
मैं रोवत-हँसत कहानी अंव

जात-पात प्रांतवाद ले परे
मैं भारत माता के जुबानी अंव