मनमोहन छंद
मनखे के हे, एक धरम । मनखे बर सब, करय करम
मनखे के पहिचान बनय । मनखेपन बर, सबो तनय
मनखे के पहिचान बनय । मनखेपन बर, सबो तनय
दूसर के दुख दरद हरय । ओखर मुड़ मा, सुख ल भरय
सुख के रद्दा, अपन गढ़य । भव सागर ला पार करय
सुख के रद्दा, अपन गढ़य । भव सागर ला पार करय
मनखे तन हे, बड़ दुरलभ । मनखे मनखे गोठ धरब
करम सार हे, नषवर जग । मनखे, मनखे ला झन ठग
करम सार हे, नषवर जग । मनखे, मनखे ला झन ठग
जेन ह जइसन, करम करय । तइसन ओखर, भाग भरय
सुख के बीजा म सुख फरय । दुख के बीजा ह दुख भरय
सुख के बीजा म सुख फरय । दुख के बीजा ह दुख भरय
मनखे तन ला राम धरय । मनखे मन बर, चरित करय
सब रिश्ता के काम करय । दूसर के सब, पीर हरय
सब रिश्ता के काम करय । दूसर के सब, पीर हरय
-रमेश चौहान
