रमेश चौहान के छत्‍तीसगढ़ी कविता

संदेश

जात.पात ला छोड़व कहिथे

जात.पात ला छोड़व कहिथे, गिनती जे करथे । बाँट-बाँट मनखे के बोटी, झोली जे भरथे ।। गढ़े सुवारथ के परिभाषा, जात बने कइसे । निरमल काया के पानी मा, रंग घुरे जइसे ।। अगड़ी पिछड़ी दलित रंग के, मनखे रंग धरे । रंग खून के एक होय कहि, फोकट दंभ भरे । जात कहां रोटी-बेटी बर, कहिथे जे मनखे । आरक्षण बर जाति बता के, रेंगे हे तनके ।। खाप पंचायत कोरी.कोरी, बनथे रोज नवा । एक बिमारी अइसन बाचे, बाढ़े रोज सवा ।।

काम ये खेती किसानी आय पूजा आरती

काम ये खेती किसानी, आय पूजा आरती । तोर सेवा त्याग ले, होय खुश माँ भारती ।। टोर जांगर तैं कमा ले, पेट भर दे अब तहीं । तैं भुईयां के हवस गा, देव धामी मन सहीं ।। 1।। तोर ले हे गाँव सुघ्घर, खेत पावन धाम हे । तैं हवस गा अन्नदाता, जेन सब के प्राण हे ।। मत कभू हो शहरिया तैं, कोन कर ही काम ला । गोहरावत हे भुईंयां, छोड़ झन ये धाम ला ।।2।।

चमचा मन के ढेर हे

चमचा मन के ढेर हे बात कहे मा फेर हे गोड़ पखारत देखेंव जेला ओही बने लठैत हे पिरपिट्टी ओखर घर के हमर मन बर करैत हे कुकुर कस पूछी डोलावय कइसे कहिदंव शेर हे हाँक परे मा सकला जथे मंदारी के डमरू सुन बेंदरा भलुवा बन के कइसन नाचथे ओखरे धुन चारा के रहत ले चरिस अब बोकरा कोन मेर हे

रमेश चौहान के छत्‍तीसगढ़ी कविता

यह ब्लॉग खोजें

संदेश

कतका झन देखे हें-

जात.पात ला छोड़व कहिथे

काम ये खेती किसानी आय पूजा आरती

चमचा मन के ढेर हे

अपने डहर मा रेंग तैं

‘अपने अचरा छोर‘ mp3

‘गोदवाय हंव गोदना‘mp3

‘मोर गजानन स्वामी बिराजे हे‘ mp3

मोर दूसर ब्लॉग