रमेश चौहान के छत्‍तीसगढ़ी कविता

सावन तैं करिया बिलवा हस, तैं छलिया जस कृष्ण मुरारी । जोहत-जोहत रोवत हावँव, आत नई हस  मोर दुवारी ।। बूँद कहां तरिया नरवा कुछु बोर कुवाँ नल हे दुखियारी । बावत धान जरे धनहा अब रो...

चल ना रे खेले ला जाबो  । अबे मजा अब्बड़ के पाबो ।। का राखे ये मोबाइल मा । बइठे-बइठे  ये स्टाइल मा ।। नदिया जाबो तरिया जाबो । कूद-कूद के खूब नहाबो ।। रेसटीप हम डूबे-डूबे । बने खेलबो हमन ह खूबे ।। ढेस पोखरा खोज-खोज के । खाबो अब्बड़ रोज-रोज के ।। का राखे ये मोबाइल मा । बइठे-बइठे  ये स्टाइल मा ।। गिल्ली-डंडा चल धर ना बे । टोड़ी मारत पादी पाबे ।। खट-उल मा कोनो हा चलही । खेले बर जब मन ह मचलही ।। खोर-गली दइहान चली हम । लइकापन के डार चढ़ी हम ।। का राखे ये मोबाइल मा । बइठे-बइठे  ये स्टाइल मा ।।