देख देख ये फोटु ला, पारत हे गोहार । बीता भर लइका इहां, गढ़त हवय संसार ।। लादे अपने पीठ मा, नान्हे भाई छांध । राखे दूनो हाथ मा, पाने ठेला बांध।। दूनो झन के पेट बर, बोहे जम्मा भार । देख देख ये फोटु ला... अइसन का पीरा हवय, ओखर आंखी देख । कहां ददा दाई हवय, दिखे भाग के लेख ।। आंसु धरे अनाथ मनन, होय आज लाचार । देख देख ये फोटु ला... मात देत हे काल ला, लइका के ये सोच । करम बड़े अधिकार ले, दूसर ला झन नोच ।। भीख कटोरा ना धरय, जांगर लय सम्हार । देख देख ये फोटु ला... लइका के तजबीज ला, कोरा अपन उठाव । बनके अब दाई ददा, लव बचपना बचाव ।। धरम करम के देष मा, होही बड़ उपकार । देख देख ये फोटु ला...
छत्तीसगढ़ी म भागवत कथा भाग-6.परिक्षित के गर्भ मा रक्षा
-
‘छत्तीसगढ़ी म भागवत कथा’ एक महाकाव्य के रूप म लिखे जात हे ऐला धीरे-धीरे
कई भाग म प्रकाशित करे जाही । एला श्रीमद्भागवत अउ सुखसागर आधार ग्रंथ ले के
छत्तीस...
5 दिन पहले