देख देख ये फोटु ला, पारत हे गोहार । बीता भर लइका इहां, गढ़त हवय संसार ।। लादे अपने पीठ मा, नान्हे भाई छांध । राखे दूनो हाथ मा, पाने ठेला बांध।। दूनो झन के पेट बर, बोहे जम्मा भार । देख देख ये फोटु ला... अइसन का पीरा हवय, ओखर आंखी देख । कहां ददा दाई हवय, दिखे भाग के लेख ।। आंसु धरे अनाथ मनन, होय आज लाचार । देख देख ये फोटु ला... मात देत हे काल ला, लइका के ये सोच । करम बड़े अधिकार ले, दूसर ला झन नोच ।। भीख कटोरा ना धरय, जांगर लय सम्हार । देख देख ये फोटु ला... लइका के तजबीज ला, कोरा अपन उठाव । बनके अब दाई ददा, लव बचपना बचाव ।। धरम करम के देष मा, होही बड़ उपकार । देख देख ये फोटु ला...
पुस्तक: मानसिक शक्ति-स्वामी शिवानंद
-
मानसिक शक्ति THOUGHT POWER का अविकल रूपान्तर लेखक श्री स्वामी शिवानन्द
सरस्वती
3 माह पहले