ये हमर तो देश संगी, घात सुघ्घर ठांव हे । हे हिमालय हा मुकुट कस, धोय सागर पांव हे । फूल बगिया के बने हे, वेष भाषा सब धरम । एक गठरी कस हवन हम, ये हमर आवय मरम ।। देश गांधी के पुजारी, हे अराधक शांति के । बोस नेताजी कहाथे, देवता नव क्रांति के ।। हे भगत शेखर सरीखे, वीर बलिदानी हमर । जूझ के होगे समर मा, जेन मन हा तो अमर ।। खून कतका के गिरे हे, देश के पावन चरण । तब मिले हे मुक्ति हमला, आज ओखर याद करन ।। सोच ऊखर होय पूरा, काम अइसन हम करन । भेट होही गा बड़े ये, देश बर हम तो जियन ।।
छत्तीसगढ़ी म भागवत कथा भाग-6.परिक्षित के गर्भ मा रक्षा
-
‘छत्तीसगढ़ी म भागवत कथा’ एक महाकाव्य के रूप म लिखे जात हे ऐला धीरे-धीरे
कई भाग म प्रकाशित करे जाही । एला श्रीमद्भागवत अउ सुखसागर आधार ग्रंथ ले के
छत्तीस...
4 दिन पहले
