शुक्रवार, 5 जुलाई 2019

चलना खेले ला जाबो रे

चल ना रे खेले ला जाबो  ।
अबे मजा अब्बड़ के पाबो ।।
का राखे ये मोबाइल मा ।
बइठे-बइठे  ये स्टाइल मा ।।

नदिया जाबो तरिया जाबो ।
कूद-कूद के खूब नहाबो ।।
रेसटीप हम डूबे-डूबे ।
बने खेलबो हमन ह खूबे ।।
ढेस पोखरा खोज-खोज के ।
खाबो अब्बड़ रोज-रोज के ।।
का राखे ये मोबाइल मा ।
बइठे-बइठे  ये स्टाइल मा ।।

गिल्ली-डंडा चल धर ना बे ।
टोड़ी मारत पादी पाबे ।।
खट-उल मा कोनो हा चलही ।
खेले बर जब मन ह मचलही ।।
खोर-गली दइहान चली हम ।
लइकापन के डार चढ़ी हम ।।
का राखे ये मोबाइल मा ।
बइठे-बइठे  ये स्टाइल मा ।।

कोई टिप्पणी नहीं:

एक टिप्पणी भेजें