गणित बनाये के नियम, धर लौ थोकिन ध्यान ।
जोड़ घटाना सीख के, गुणा भाग ला जान ।।
गुणा भाग ला जान, गणित के प्राण बरोबर ।
एक संग जब देख, चिन्ह ला सबो सरोबर ।।
कोष्टक पहिली खोल, फेर "का" जेन तनाये ।
भाग गुणा तब जोड़, घटा के गणित बनाये ।।
-रमेश चौहान
तुलसी चौरा अंगना, पीपर तरिया पार । लहर लहर खेती करय, अइसन गांव हमार ।। गोबर खातू डार ले, खेती होही पोठ । लइका बच्चा मन घला, करही तोरे गोठ ।। गउचर परिया छोड़ दे, खड़े रहन दे पेड़ । चारा चरही ससन भर, गाय पठरू अउ भेड़ ।। गली खोर अउ अंगना, राखव लीप बहार । रहिही चंगा देह हा, होय नही बीमार ।। मोटर गाड़ी के धुॅंवा, करय हाल बेहाल । रूख राई मन हे कहां, जंगल हे बदहाल ।। -रमेश चौहान
टिप्पणियाँ
एक टिप्पणी भेजें