तीजा तीज तिहार मा, मांगे हें अहिवात ।
दिन भर रहे उपास अउ, जागे वो हा रात ।
जागे वो हा रात, खुशी पति के हे मांगे ।
पत्नी के ये काम, जगत मा ऊंपर टांगे ।
सुनलव कहे "रमेश", ठेठरी धर छोड़व पीजा ।
अपन ह अपने होय, कहत हे हमरे तीजा ।।
तुलसी चौरा अंगना, पीपर तरिया पार । लहर लहर खेती करय, अइसन गांव हमार ।। गोबर खातू डार ले, खेती होही पोठ । लइका बच्चा मन घला, करही तोरे गोठ ।। गउचर परिया छोड़ दे, खड़े रहन दे पेड़ । चारा चरही ससन भर, गाय पठरू अउ भेड़ ।। गली खोर अउ अंगना, राखव लीप बहार । रहिही चंगा देह हा, होय नही बीमार ।। मोटर गाड़ी के धुॅंवा, करय हाल बेहाल । रूख राई मन हे कहां, जंगल हे बदहाल ।। -रमेश चौहान
टिप्पणियाँ
एक टिप्पणी भेजें