आगे देवारी, हमर दुवारी, कर तइयारी, जोश भरे ।
जब सॉफ-सफाई, पाथे दाई, सॅउहे आथे, खुशी धरे ।।
ये यचरा-कचरा, घुरवा डबरा, फेकव संगी, तुमन बने ।
घर-कुरिया पोतव, सुग्घर सोचव, दाई आी, बने ठने।।
घर-कुरिया पोतव, सुग्घर सोचव, दाई आी, बने ठने।।
तुलसी चौरा अंगना, पीपर तरिया पार । लहर लहर खेती करय, अइसन गांव हमार ।। गोबर खातू डार ले, खेती होही पोठ । लइका बच्चा मन घला, करही तोरे गोठ ।। गउचर परिया छोड़ दे, खड़े रहन दे पेड़ । चारा चरही ससन भर, गाय पठरू अउ भेड़ ।। गली खोर अउ अंगना, राखव लीप बहार । रहिही चंगा देह हा, होय नही बीमार ।। मोटर गाड़ी के धुॅंवा, करय हाल बेहाल । रूख राई मन हे कहां, जंगल हे बदहाल ।। -रमेश चौहान
टिप्पणियाँ
एक टिप्पणी भेजें