कहां कहां जावंव, कइसे लावंव, दीया बाती, तेल भरे ।
देख मँहगाई, कइसन भाई, जियरा छाती, मोर जरे ।।
आसो देवारी, मोरे दुवारी, कइसे आही, सोच भरे ।
लइका का जानय, कइसे मानय, मँइगाई मा, ददा मरे ।।
तुलसी चौरा अंगना, पीपर तरिया पार । लहर लहर खेती करय, अइसन गांव हमार ।। गोबर खातू डार ले, खेती होही पोठ । लइका बच्चा मन घला, करही तोरे गोठ ।। गउचर परिया छोड़ दे, खड़े रहन दे पेड़ । चारा चरही ससन भर, गाय पठरू अउ भेड़ ।। गली खोर अउ अंगना, राखव लीप बहार । रहिही चंगा देह हा, होय नही बीमार ।। मोटर गाड़ी के धुॅंवा, करय हाल बेहाल । रूख राई मन हे कहां, जंगल हे बदहाल ।। -रमेश चौहान
टिप्पणियाँ
एक टिप्पणी भेजें