जांघ अपने काट के हम, बनावत हन साख

धर्म अउ संस्कार मा तो, करे शंका आज ।
आंग्ल शिक्षा नीति पाले, ओखरे ये राज ।।
देख शिक्षा नीति अइसन, आय बड़का रोग ।
दासता हे आज जिंदा, देश भोगत भोग ।।

देख कतका देश हावे, विश्व मा घनघोर ।
जेन कहिथे जांघ ठोके, धर्म आवय मोर ।।
लाख मुस्लिम देश हावय, लाख क्रिश्चन देश ।
धर्म शिक्षा नीति मानय, राख अपने वेष ।।

हिन्द हिन्दू धर्म बर तो, लाख पूछत प्रश्न ।
आन शिक्षा नीति देखव, मनावत हे जश्न ।।
आज हिन्दू पूत होके, प्रश्न करके लाख ।
जांघ अपने काट के हम, बनावत हन साख ।।